Italia është shteti më i prekur në Europë nga Covid-19, i cili deri tani ka shënuar 27,980 raste të infektuara dhe 2,158 vdekje.
Djali i një shqiptari në Itali, i quajtur Luan Sulejmani, ka rezultuar i prekur me Koronavirus.
Shqiptari ka dhënë gjatë një lidhjeje për “ABC News” një rezyme të gjithçkaje që kishte ndodhur, duke dhënë edhe mesazhin e rëndësishëm se karantinimi funksionon.
“Jetoj në të njëjtin kat me pacientin numër 1 me koronavirus. Në familje jemi katër persona. Besoj se mund të jemi edhe vet të infektuar. Testin nuk e kemi bërë sepse bëhet vetëm në momentin që ke shenja. Doktori na tha që djali e ka virusin dhe logjikisht dikush nga ne ia ka transmetuar.
Djalit ia kemi bërë testin dhe ka dalë pozitiv, në fillim kishte temperaturë të lartë, 39.5 grad celsius dhe nuk po ulej, në këtë rast njoftova ambulacën dhe pas një tamponi doli pozitiv me koronavirus. Fatmirësisht është mirë. Ka mbi 8 dit që i kemi bërë testin djalit. Djalin e kam në shtëpi, ka tre ditë dhe temperatura është ulur. Testi fëmijës do t’i bëhet sërish pas 20 ditësh, sipas mjekëve, për të parë nëse është negativ apo pozitiv”- u shpreh ai.
Gjithashtu, Sulejmani ka treguar si ka ndikuar kjo situatë tek familja e tij dhe tek të gjithë qytetarët e tjerë.
“Në momentin e parë që e morëm vesh se ndodheshim në të njëjti pallatin me pacientin e parë, jeta jonë ndryshoi komplet, është një përjetim që nuk ka fjalë të shprehet. Nga shtëpia dal vetëm për arsye familjare. Ka 25 ditë që jemi në vetëkarantinim. Momentalisht është gjithçka e ndërprerë. Ne kemi bërë karantinën të parët dhe kjo ka funksionuar. Momentalisht ka zero pacientë.”
Sipas Sulejmanit, karantinimi funksionon dhe është mënyra më e mirë për t’i “vënë prangat” Koronavirusit.
