Djali i Sarës dhe Ledionit bën 1 vjeç! Teze Lori na serviri disa pamje nga super festa, që e shijoi në maksimum
L. R
Postuar ne 11 Tetor 2020,18:30:02
Roman, djali i vogël i Sara Hoxhës dhe Ledion Liços feston ditën e sotme 1-vjetorin e lindjes. Sigurisht që në këtë ditë të shënuar nuk kishte si të mungonte një festë e madhe, të cilën teze Lori duket se e ka shijuar më shumë se kushdo.
Lori Hoxha ka publikuar në Instagram disa nga imazhet më të bukura nga festa e organizuar, duke zbuluar disa detaje prej saj. Ajo ka treguar se festa është mbajtur në një ambient të hapur dhe e gjithë hapësira është kthyer në një kënd të madh lojërash.
Por nuk ka qenë vetëm fëmijët e vegjël ata që e kanë shijuar këtë moment, sepse edhe Lori e ka shfrytëzuar kohën për lojë njësoj si ata.
“Romki im i vogël bëri një vjeç dhe unë u kënaqa shumë”, ka shkruar Lori përkrah disa fotove, në të cilat shihet shtrirë mes disa topave shumëngjyrësh.
Tema e ditëlindjes ka qenë “Karnavalet e Romanit” dhe duket se i gjithë ambienti ka qenë i zbukuar me ngjyra të shumta.
Lori ka publikuar një video, në të cilën dallohet një tavolinë e mbushur plot me torta dhe lule. Ndërsa në një foto dallohen vetëm këmbët e vogla të Romanit, me të cilin nuk jemi njohur ende.
Kujtojmë se Sara dhe Ledioni janë prindër edhe të një djali tjetër, që quhet London.
Komente në Facebook
Lexo tjetër
Festoi ditëlindjen, Adrola Dushi zbulon pamjet nga festa që i organizoi të birit!
