Jon Gjebrea ka marrë famë nga babai i tij, moderatori i njohur Arditi dhe kjo e ka ndihmuar që të jetë gjithmonë në kontakt me personazhe të njohur, për publikun. Në fotot e publikuara në rrjetet sociale mund ta shikonit duke pirë kafe me Getoarin apo në klubet e natës me Viola Spiron, por asnjëherë nuk është folur për personin me të cilën mund të ishte në një lidhje.
Tashmë ai vendosi ta prezantojë publikisht vajzën që i ka rrëmbyer zemrën, Merlin Haxhiymerin.
Në foto e publikuar nuk ka përshkrim në fjalë veç ikonës së zemrës dhe ne kaq na mjafton për të kuptuar gjithçka. Më pas komentet na lanë të kuptonim diçka më shumë!
Ajo që na ra në sy ishte komenti i këngëtares Olta Boka: “Puthje për të dy ju! Shumë përqafime për Merlin dhe familjen e saj të mrekullueshme”.
Pra kush është partnerja e Jonit?
“Iconstyle.al” përmes burimeve arriti të zbulonte se familja e Merlin nuk është e panjohur për publikun. Më saktësisht babai i saj është një personazh publik mes politikës dhe biznesit, të cilin mund ta keni parë në intervistat televizive apo në fushatat elektorale.
Fuad Haxhiymerin (ose i njohur me emrin shkurt Adi), ishte biznesmeni që i hyri politikës i renditur i 13-ti në listën e PD-së në Tiranë, propozuar nga Partia Agrare Ambientaliste, por nuk arriti të zinte një karrige në Kuvend.
Kujtojmë se ai ishte i ftuar në emisionin “E Diela Shqiptare”, që prezantohet nga Ardit Gjebrea, më 18 qershor, pikërisht në vendin ku mendojmë se ka pasur edhe një takim me këngëtaren Olta Boka.
Gjithashtu ai ka pritur për emisionin “E Diela Shqiptare”, Arditin brenda shtëpisë, ndaj mendojmë se marrëdhëniet mes dy krushqve është e mirë.
Jon Gjebrea ka mbaruar studimet në Vienë dhe si duket ka ardhur koha e duhur që ai të marrë vendime serioze përsa i përket jetës sentimentale.
Burimi: Iconstyle.al
