Vetëm dy muaj më parë mbarë opinioni shqiptar u trondit nga aksidenti tragjik ku humbi jetën Edmond Preka 43-vjeç dhe tre fëmijët e tij, Noemi 10-vjeçe, Ajseli 5 vjeçe dhe Rayan-i i vogël që sot do të bënte 8 muajsh.
E mbijetuara e vetme e këtij aksidenti ishte Evis Preka, nëna e tre fëmijëve, e cila mbart një brengë të madhe në shpirt dhe me postimet në rrjetet sociale na tregon se jeta tashmë i duket e pakuptimtë.
Evisi ka thyer sërish heshtjen nëpërmjet një komenti shumë prekës në Facebook në një postim që kunata e saj ka bërë për të kujtuar 8-mujorin e lindjes së vogëlushit Rayan.
“Më raftë pika mamit Rayan, ti i bëre 8 muajsh në parajsë shpirt pa mamin tat që të donte shumë. Mami po mbaron pa ju o shpirt, ju ma keni tha shpirtin Rayan, mami mezi po e priste datën 11, por asgjë nuk i ngeli mamit tuj o jetat e mia. Po mami atje do vijë jeta ime sepse pa ju asgjë nuk ka dritë për mamin”, shkruan Evis Preka në postimin e saj.
Burimi: Ballkanweb
