Jack, djali adoleshent i aktorit të njohur të Hollivudit, Johnny Depp, ka probleme të rënda shëndetësore.
Nëna e tij Vanessa Paradis humbi premierën e filmit të saj të fundit në Paris të martën në mbrëmje, për të qëndruar në krah të 16-vjeçarit.
Aktorja 45-vjeçare duhej të merrte pjesë në shfaqjen e filmit “Një thikë në zemër”, por u detyrua ta anulojë në minutën e fundit.
Drejtori i filmit Yann Gonzalez kishte shpjeguar mungesën e saj në këtë event, duke thënë se ajo kishte marrë ‘lajme shumë të këqija’.
“Për fat të keq, Vanessa Paradis nuk ishte në gjendje të na bashkohej sonte, asaj i duhej të mungonte për shkak të problemeve serioze me shëndetin e djalit të saj”, tha ai.
Jack u fotografua te “Charles De Gaulle” të hënën me nënën e tij, dhe nuk pati ndonjë shenjë sëmundjeje. Nuk është e qartë saktësisht se cilat janë problemet shëndetësore ‘serioze’ të 16-vjeçarit.
Pas lajmit për sëmundjen e Jack, Johnny u fotografua duke hipur në një autobus në Mynih, Gjermani të mërkurën mbrëma, pasi koncertit me grupin e tij, Hollywood Vampires.
Edhe pse çifti nuk u martua kurrë, ata kaluan 14 vjet së bashku, nga viti 1998 deri në 2012-n.
Përveç Jack, ata kanë dhe një vajzë 19-vjeçare, Lily Rose Depp, e cila është e njohur tashmë si imazhi i “Dior”.
