Dj Blunt, emri i vërtetë i së cilit është Edon Dedi, është sulmuar me thikë ditën e sotme, në qytetin e Prishtinës.
Mësohet se reperi është nën kujdesin e mjekëve dhe gjendet jashtë rrezikut për jetën. Sipas burimeve për “Telegraf” policia po heton për të identifikuar personat që kanë sulmuar reperin. I kontaktuar nga mediat, reperi ka refuzuar të përgjigjet në telefon.
“Policia po punon për identifikimin e personave të dyshuar si dhe për ndriçimin dhe sqarimin e rrethanave të rastit. Viktima E.D 37 vjeç, pas trajtimit mjekësor të marrë në QKUK është jashtë rrezikut për jetën”, shkruhej në njoftimin e policisë.
Pak kohë më parë, Dj Blunt postoi disa video në seri në profilin e tij në “Instastory” ku ofendonte reperin Ledri Vula, Gjikon si dhe menaxherin Faton Shoshi. Mirëpo këta të fundit, u nisën drejt apartmentit të Dj Blunt për të sqaruar postimet e publikuara më herët. Faton Shoshi shkruante në videon e postuar se Gjiko me papuçe Guçi në dorë, kishte shkuar për të rrahur Bluntin. Ndërkohë Dj Blunt, jo vetëm që s’i ka hapur derën e shtëpisë, por nuk i është përgjigjur as telefonatës. Ndoshta sulmi ndaj Dj Blunt mund të ketë lidhje me histori, mirëpo mbetet për t’u parë nga hetimi i policisë.
