Angelina Jolie është përfshirë në një betejë ligjore me Brad Pitt për 6 fëmijët e tyre prej 5 vitesh. Në 2016-n ata të dy ndanë rrugët e tyre përgjithmonë dhe ndarja vazhdon të jetë shumë e vështirë për aktorët.
Mirëpo divorci duket se ka pasur më së tepërmi ndikim në jetën profesionale të Jolie. Në një intervistë të dhënë së fundmi ajo ka treguar se e ka pasur të pamundur të ndjekë ëndrrën e saj për regjisore për shkak të divorcit.
“E adhuroj regjinë, por pata një ndryshim në situatën familjare që e bëri të pamundur për mua që të punoja si regjisore për disa vite. Më duhej që të merrja sa më pak punë dhe të qëndroja më shumë në shtëpi”, u shpreh Jolie për “Entertainment Weekly”.
Jolie ju rikthye regjisë më vonë me disa filma si “Unbroken” dhe “First They Killed My Father”. Ndërkohë kohët e fundit ajo iu është dedikuar roleve dhe aktrimit. Këtë vit ajo është rikthyer në kinematografi me rolin e ardhshëm “Those Who Wish Me Dead”.
Kujtojmë se së fundmi Angelina Jolie ka akuzuar ish-burrin e saj për dhunë në familje dhe ka paraqitur dokumente në gjykatë duke pretenduar se ajo ishte viktimë e dhunës në familje nga Pitt. Dokumentet tregojnë më tej se fëmijët e tyre kanë rënë dakord të japin dëshmi kundër dhunës së pretenduar të aktorit 57-vjeçar. Për këtë arsye këto ditë kanë qenë shumë të vështira për Brad Pitt, ndaj ai është hedhur në krahët e ish-bashkëshortes, Jennifer Aniston për të gjetur mbështetje.
