Ndarja e një prej çifteve më të njohur të Hollivudit, Angelia Jolie dhe Brad Pitt, ka risjellë në kujtesë rastet e divorceve më të bujshme të showbiz-it. Më poshtë mund të shihni një listë me disa prej ndarjeve që kanë lënë gjurmë në histori.
Richard Burton dhe Elizabeth Taylor
Dy superyjet Burton e Taylor janë martuar dy herë. Të njohur ndryshe si “Liz dhe Dick” në letër, ata shpallën celebrimin për herë të parë në Montreal në vitin 1964. Duke luajtur së bashku në 11 filma, çifti e shijoi së tepërmi jetën. Por, ata u ndanë për herë të parë në qershor të vitit 1974, përpara se të rimartoheshin në Bostëana në tetor të vitit 1975. Marrëdhënia e tyre, e cilësuar edhe si “martesa e shekullit” nga mediet, përfundoi sërish me divorc në korrik të vitit 1976.
Tom Cruise me Nicole Kidman/Katie Holmes
Cruise rezulton të jetë martuar 3 herë. Së pari me aktoren Mimi Rogers në maj të vitit 1987. Ata u ndanë në shkurt të 1990-s. Aktori dhe bashkëshortja e tij e dytë, Nicole Kidman, të cilët u takuan gjatë xhirimeve të “Days of Thunder”, u martuan në prag të Krishtlindjeve në po atë vit. Çifti adoptoi dy fëmijë, përpara se të ndahej në vitin 2001. Cruise nisi të frekuentohej me Katie Holmes në prill të 2005-s, duke e shfaqur dashurinë e tij për aktoren në një mënyrë tepër të famshme, duke u hedhur përpjetë në divanin e shfaqjes “The Oprah Winfrey”, muajin pasardhës. Ata u martuan në nëntor të vitit 2006 në Itali, përpara se të divorcoheshin në korrik të 2012-s.
Madonna dhe Sean Penn
Këngëtarja u martua me Sean Penn në një ditë të shënuar, pikërisht ditëlindjen e saj, në gusht të vitit 1985. Por pas anulimit të martesës në dhjetor të 1987-s, ajo kërkoi divorcin nga aktori në janar të vitit 1989. Madonna u takua më pas me regjisorin Guy Ritchie në nëntor të vitit 1998. Çifti u martua në dhjetor të 2000-shit në kështjellën “Skibo” të Skocisë. Por u ndanë në dhjetor të 2008-s.
Demi Moore dhe Bruce Willis
Në shkurt të vitit 1980, kur ajo ishte vetëm 17 vjeç, aktorja u martua me këngëtarin Freddy Moore, i cili ishte 12 vite më i madh se ajo. Ata u ndanë në gusht të 1985-s. Moore lidhi kurorë për herë të dytë në nëntor të 1987-s me aktorin Bruce Willis, me të cilin ka 3 vajza, përpara se të divorcoheshin në tetor të 2000-shit. Moore u hodh në krahët e Ashton Kutcher, 15 vite më i ri se ajo, në vitin 2003, i cili do të bëhej bashkëshorti i saj i tretë në 2005-n. Por edhe kjo lidhje përfundoi me ndarje në vitin 2013.
Johnny Depp dhe Amber Heard…
Kjo ishte edhe një prej historive më të bujshme “gossip” të showbiz-it për vitin 2016. Heard kërkoi divorcin nga aktori vetëm 15 muaj pasi kishin lidhur kurorë bashkë.
Brad Pitt dhe Angelina Jolie
Aktorja kërkoi divorcin më 15 shtator, pas akuzave ndaj bashkëshortit në lidhje me aftësitë e tij prindërore. Çifti po merren me procedurat e divorcit, ndërkohë që Brad Pitt, thuhet se kërkon të shpëtojë martesën.
