Edhe pak ditë na ndajnë nga stina e vjeshtës dhe ndikimi i saj ka nisur të ndjehet që tani. Temperaturat kanë pësuar ulje të ndjeshme, madje në disa vende pati edhe reshje shiu.
Megjithatë përsëri temperaturat i kalonin 37 gradë në zonat bregdetare. Por në ditët e fundit të verës temperaturat do të ndryshojnë duke filluar nga sot.
Sipas sinoptikanëve, dita e sotme do të jetë nën ndikimin kthjellimeve dhe e vranësirave kalimtare. Reshjet e shiut do të jenë kryesisht të pranishme në zonat malore, ndërsa parashikohet që nga sot të nisë rënia e temperaturave.
Termometri do të arrijë deri në 35 gradë celsius. Situata do të vazhdojë të jetë e tillë deri në fund të javës.
