Sot, reperja shumë e njohur dhe e dashur për publikun shqiptar, Tayna, feston ditën e saj të lindjes.
Tayna ka ardhur në jetë më 14 dhjetor të vitit 1996 dhe ditën e sotme ka mbushur plot 23 vjeç!
Këtë ditë speciale, reperja e ka pritur mes mikeshave teksa ndodhej në qytetin e Tiranës.
Sapo ka hyrë mesnata, nuk kanë munguar surprizat nga shoqet e këngëtares, të cilat i kishin përgatitur një tortë të madhe me formën e kurorës.
“E gëzofsha ditëlindjen”- shkruan Tayna në videon ku tregon tortën dhe një buqetë të madhe me trëndafila.
Gjithashtu, reperja ka treguar se festa e vajzave ka vazhduar deri në orët e para të mëngjesit.
Ato kanë pirë e kanë kërcyer së bashku, duke krijuar një natë të paharrueshme për Taynën!
