Ditën e djeshme, reperi shumë i dashur për publikun shqiptar, Gjiko, festoi ditëlindjen e tij.
Ai ka lindur më 3 janar të vitit 1991 dhe dje mbush plot 30 vjet! Ndaj, këtë ditë kaq speciale nuk e ka kaluar pa një festë të madhe me personat e tij të zemrës.
Ishte Elita ajo që organizoi një super festë ditëlindjeje, ku mblodhi të afërmit e miqtë e tyre dhe ndau pamjet në rrjete sociale.
Në njërin kënd, ajo kishte vendosur dhuratat për partnerin dhe krahas videos shkruante “30 dhurata për 30 vjet”.
Në tortën e ditëlindjes së tij, reperi kishte shkruar “Fuck you Covid” dhe kishte vendosur një gisht mesi, si për të treguar se i kishte ardhur në majë të hundës me këtë virus.
View this post on Instagram
Ditëlindja ishte e Gjikos, por vëmendjen më të madhe e mori partnerja e tij Elita Rudi, e cila është në pritje të fëmijës së dytë të çiftit.
Ajo u shfaq me barkun e rrumbullakosur i cili i binte shumë në sy, teksa kishte veshur një fustan gri me xixa pas trupit, ndërsa pjesa e tij e poshtme ishte me pupla.
View this post on Instagram
Elita ka marrë një pushim nga televizioni. Në fakt, e ftuar në “5 data” ajo tregoi se sapo ishte stabilizuar me punën e saj kur mësoi për shtatzëninë e dytë, por shtoi se për familjen i sakrifikon të gjithë, madje edhe punën.
Elita iu rikthye ekranit 1 vit pas lindjes së Zërit dhe me siguri duhet të presim edhe të paktën një vit tjetër që ta shohim sërish në krye të ndonjë emisioni.
