Tortë, mbledhja e shoqërisë dhe foto e video pa fund. Ishin këto fjalët kyçe të ditëlindjes së këngëtares së njohur, Selena Gomez, e cila festoi të shtunën 25-vjetorin, në mënyrën më të thjeshtë të mundshme.
Bukuroshja brune nuk kishte shpenzuar shumë për të organizuar një festë gjigante siç bëjnë bashkëmoshatarët e saj. Ajo kishte mbledhur shoqet e ngushta, të cilat i bënë surprizën e tortës, në një ambient privat që dukej më shumë si shtëpi.
[Video]: Selena during her Instagram Live Chat. #HappyBirthdaySelenaGomez. pic.twitter.com/34lJDa8bbz
— Selena Gomez News (@LifeWithSelG) July 23, 2017
Ndërkohë që disa të famshëm preferojnë të bëjnë festa ekstravagante, Gomez pati një festë më intime – edhe pse shumë miqësore me Instagramin. Ajo dhe miqtë e saj u mblodhën në Los Angeles, në një ambient të dekoruar me logon e këngës së re, “Fetish”, me tullumbace, torta dhe disa dhurata.
Këngëtarja e dokumentoi çdo gjë në rrjetin social “Instagram”, ku nuk ngurroi të falënderonte fansat e saj.
Asistentja e Gomez, Theresa Mingus ndau disa nga fotot në “Instagram”, së bashku me faktin se festa nisi që në orën 8:00 të mëngjesit.
Gomez publikoi edhe disa foto ëmbëlsirash në ngjyrë të kaltër, dhe thuajse e gjithë mbrëmja u pasqyrua për fansat në rrjetin social.
I vetmi që mungonte në këtë festë ishte i dashuri i saj Abel, ose The Weeknd, i cili u kthye nga Parisi ku performoi në Lollapalooza, për të ngrënë një drekë së bashku para se Selena të festonte natën me miqtë.
