Politikani Sokol Olldashi, do të festonte dje 45-vjetorin. Ndarja e tij nga jeta 4 vite më parë, si pasojë e një aksidenti tragjik në zonën e Krrabës, ishte një humbje e thellë për ata që e donin.
Në ditën e lindjes së tij, kur do të mbushte 45 vjeç, e ëma e tij i ka kushtuar një postim prekës ku shkruan se ka përgatitur ëmbëlsirën e tij të preferuar, po gostit ata që vazhdojnë ta duan dhe në fund i thotë se do e presë deri në frymën e fundit.
“E si mund të bëhet ditëlindja jote pa ty bir? 45 do të mbushje sot…Ta përgatitja edhe ëmbëlsirën e preferuar, gostita me të ata që erdhën, ata që vijojnë të të duan, miqtë e tu të fëmijërisë, të cilëve u mungon…Sa shumë të prita bir…Sa dëshirë për atë përqafim të ngrohtë…Do vijoj të të pres gjersa të jap frymë e të të vij pranë e të kujdesem për ty, sikurse më parë…dhimbje…dhe përsëri mall pafund”, shkruan Kozeta Mamaqi, e ëma e të ndjerit Sokol Olldashi.
