Një nga shkrimtarët më të njohur shqiptar, Isa Alibali është ndarë nga jeta ditën e sotme në moshën 78 vjeçare. Shkrimtari shkodran ka qënë gjithashtu drejtor i teatrit “Migjeni” për më shumë se 13 vite dhe homazhet për të do të zhvillohen në hollin e këtij teatri ditën e nesërme, nga ora 10:00 – 13:00
Kujtojmë së Alibali ka zhvilluar karrierën e tij mes librave dhe si profesor letërsie. Pasi u diplomua në degën Gjuhë –Letërsi, në vitin 1960 ai u bë drejtori i parë në gjimnazin e Rrëshenit, pastaj inspektor i arsimit dhe kulturës në Shkodër e më vonë kryeinspektor.
Gjithashtu ai ka drejtuar shkollën e mesme artistike “Prenkë Jakova”dhe e ka mbyllur karrierën e tij si mësues letërsie në shkollën e mesme “Jordan Misja” në Shkodër.
