Tirana do të mirëpresë edhe këtë vit festimet për Ditën e Verës me aktivitete të shumta për të gjitha grupmoshat.
Bashkia e Tiranës bën me dije se janë planifikuar një sërë aktivitetesh festive që do të nisin që në orët e para të mëngjesit dhe do të zgjatin deri vonë pas mesnate.
ADVERTISING
Për të garantuar mbarëvajtjen e aktiviteteve dhe sigurinë e qytetarëve, bashkia në bashkëpunim me Policia e Shtetit ka vendosur kufizime dhe devijime të përkohshme të trafikut në disa akse rrugore të kryeqytetit.
Sipas njoftimit zyrtar, devijimi i trafikut do të nisë nga ora 12:00 e datës 13 mars dhe do të zgjasë deri në orët e para të datës 15 mars.
Masat janë ndërmarrë për t’u dhënë mundësi qytetarëve dhe vizitorëve që të festojnë në mënyrë të qetë dhe të sigurt gjatë aktiviteteve që do të zhvillohen në zona të ndryshme të qytetit. Në disa prej rrugëve kryesore ku do të organizohen eventet festive do të ketë kufizim të qarkullimit të automjeteve dhe devijim të tyre në akse alternative.
Qarkullimi i automjeteve për mbarëvajtjen e aktiviteteve të organizuara nga Bashkia e Tiranës në kuadër të “Ditës së Verës 2026”, do të devijojë në segmentet rrugore dhe oraret si më poshtë:
a. Nga data 13 mars 2026, ora 22:00, deri më 14 mars, në orën 18:00:
-Bulevardi “Dëshmorët e Kombit” nga Ministria e Brendshme, deri në fillim të ish “Hotel Dajti”;
-Bulevardi “Dëshmorët e Kombit” nga Ura e ish “Hotel Dajti”, deri në kryqëzimin me rrugën “Ismail Qemali”;
-Bulevardi “Dëshmorët e Kombit” nga kryqëzimi i rrugës “Ismail Qemali”, deri në kryqëzimin me rrugën “Gjergj Filipi”;
-Bulevardi “Dëshmorët e Kombit” nga kryqëzimi i rrugës “Gjergj Filipi”, deri në fillim të sheshit “Nënë Tereza”;
b. Nga data 13 mars 2026, ora 12:00, deri në datën 15 mars, në orën 02:00
-Rruga “Dëshmorët e 4 Shkurtit” nga kryqëzimi me rrugën “Ismail Qemali”, deri në kryqëzimin me rrugën “Brigada VIII”;
-Rruga “Pjetër Bogdani” nga kryqëzimi me rrugën “Sami Frashëri”, deri në kryqëzimin me rrugën “Gjin Bue Shpata”.
2. Qarkullimi i automjeteve, mjeteve të emergjencës dhe Policisë së Shtetit do të bëhet sipas planit të lëvizjes, si më poshtë:
Në rrugën “Lek Dukagjini”;
Në rrugën “Abdyl Frashëri”;
Në rrugën “Papa Gjon Pali II”;
Në rrugën “Sami Frashëri”;
Në bulevardin “Zhan D’Ark;
Në bulevardin “Bajram Curri”;
Në rrugën “Myslym Shyri”;
Në rrugën “Abdi Toptani”.
3. Itinerari i lëvizjes së linjave urbane do të vazhdojë lëvizjen si më poshtë:
Linja Nr. 13 “Tirana e Re” dhe Linja nr. 2 “Teg – Sauk i Vjetër – Kopshti Zoologjik – Ish Stacioni i Trenit”, do të devijojnë tek sheshi “Willson” dhe tek bulevardi “Zogu I”.
