Ditën e sotme nëntetarja Zarife Hasanaj, që fatkeqësisht ndërroi jetë në krye të detyrës gjatë misionit të NATO-s në Letoni është shpallur “Dëshmore e Atdheut”.
Ndërkohë ditën e nesërme nga ora 10:00-11:30 në hollin e Pallatit të Kongreseve do të zhvillohen homazhet për nder të efektives.
Së fundmi Ministria e Mbrojtjes ka njoftuar publikisht se dita e premte, pra dita e nesërme do të shpallet ditë zie kombëtare në nderim të nëntetares.
Raportohet se në të gjitha institucionet shtetërore flamujt do të ulen në gjysmë-shtizë dhe në orën 12 do të mbahet një minutë heshtje. /balkanweb.com
