Pavarësisht gjithë pengesave, Princi Harry dhe Meghan Markle sot kanë edhe një sfidë, të shijojnë martesën e tyre para miliona njerëzve.
Dasma e shumëpritur e familjes mbretërore erdhi dhe të dy po përgatiten për orën 12:00, kur do të nisë celebrimi, i cili do të ndiqet nga e gjithë bota.
Nipi i Mbretëreshës, i cili është i gjashti në radhë për frontin, do t’i premtojë dashuri dhe mbrojtje ish-aktores amerikane, ndërsa do të bëhen burrë dhe grua në kështjellën historike Windsor.
Dhjetëra mijëra fansa të familjes mbretërore kanë nisur të shkojnë në qytetin Berkshire, për të parë nga afër një paraqitje të shkurtër të nuses dhe dhëndrit.
Me simbolin e flamurit amerikan, të imazheve të familjes mbretërore, të kurorave apo kapelave, fansat janë mbledhur prej orë të tëra pranë kështjellës.
Shumë prej tyre me batanije dhe ushqim me vete erdhën që në orët e para të mëngjesit të së shtunës, për t’u stacionuar përgjatë lulishtes së kështjellës, i cili është vendi ku do të parakalojë çifti.
Burimi: Daily Mail
