Dita Botërore e Librit është një ngjarje vjetore e organizuar nga Organizata e Kombeve të Bashkuara për Arsim, Shkencë dhe Kulturë. Njihet gjithashtu si Dita Botërore e Librit dhe e të Drejtave të Autorit ose Dita Ndërkombëtare e Librit. Ngjarja është krijuar për të promovuar leximin, botimin dhe të drejtën e autorit.
Çdo vit, më 23 prill, festimet zhvillohen në të gjithë botën për të njohur librat dhe rolin e tyre si një urë lidhëse midis brezave dhe kulturave..
23 Prilli konsiderohet një datë simbolike në letërsinë botërore pasi shënon përvjetorin e vdekjes së autorëve të shquar si William Shakespeare, Miguel de Cervantes dhe Inca Garcilaso de la Vega. Kështu, UNESCO, në Konferencën e Përgjithshme të 1995 të organizuar në Paris, zgjodhi të kremtojë Ditën Botërore të Librit dhe të Drejtës së Autorit në këtë datë, për t’i bërë një homazh mbarëbotëror librave dhe autorëve.
Me rastin e Ditës Botërore të Librit dhe të Drejtës së Autorit 2022, Audrey Azoulay, Drejtoresha e Përgjithshme e UNESCO-s dha një mesazh ku tha: “Në të vërtetë, librat janë mjete jetike për të transmetuar dhe promovuar arsimin, shkencën, kulturën dhe informacionin në mbarë botën.
Kjo datë është një thirrje për njerëzimin për të rritur respektin për kontributet e pazëvendësueshme të autorëve dhe librit në progresin social dhe kulturor të njerëzimit.
