Në vitin 2014, Asambleja e Përgjithshme e Kombeve të Bashkuara, vendosi që data 15 Korrik, të përkujtohet çdo vit si ‘Dita Botërore të Aftësive të të Rinjve’.
Në Ditën Botërore të Aftësive Rinore, autoritetet përkatëse bëjnë thirrje gjithashtu për më shumë vëmendje për të rinjtë në shoqëri dhe në veçanti për të rinjtë me aftësi të kufizuara.
Këtë vit, tema e Ditës Botërore të Aftësive të Rinisë është: Të aftësojmë mësuesit, trajnerët dhe të rinjtë për një të ardhme transformuese.
Sipas raportit të OKB-së, tema thekson rolin vendimtar të luajtur nga mësuesit, trajnerët dhe edukatorët e tjerë, gjatë periudhës së tranzicionit të rinisë. Periudha e tranzicionit përfshin kohën pas trajnimit kur ata hyjnë “në tregun e punës dhe angazhohen në mënyrë aktive në komunitetet dhe shoqëritë e tyre.
Përparimi në botën teknologjike dhe dinamika e ndryshimit të tregut të punës kërkon grupe aftësish të adaptueshme. Dita Botërore e Aftësive të Rinisë synon të bashkojë njerëzit në mënyrë që ata të njohin potencialin e të rinjve si katalizatorë për ndryshim.
Kjo ditë siguron gjithashtu që kombet të angazhohen për t’u ofruar të rinjve aftësitë dhe mundësitë që u nevojiten për të ndërtuar një botë të begatë dhe të qëndrueshme për të gjithë.
