Mund të themi se jemi emancipuar, pasi kohëve të fundit rivaliteti nuk është më vetëm mes reperëve djem ose vetëm mes repereve vajza, por mes të gjithëve që merren me këtë punë, pa dallim gjinie, feje, krahine e ideje.
Një deklaratë e Rinës disa muaj më parë ka nxitur reperin S4MM t’i dedikojë reperes disa nga vargjet e këngës së tij të re.
Gjatë një interviste për “NIN” në “Klan Kosova”, Rina Balaj e etiketoi S4MM-in si reperi me të cilin s’do të bashkëpunonte kurrë.
“Nuk i kuptoj asnjë fjalë”, u shpreh ajo.
Dhe mesa duket, S4MM ka pritur momentin e duhur për të përfshirë 19-vjeçaren në një diss, pjesë të së cilit e shpërndau në Instagram.
Madje, S4MM ka shkëputur edhe pjesë nga intervista e Rinës dhe i ka futur në këngë.
Më parë, S4MM ka dedikuar shumë diss-e, që duket se i janë drejtuar kolegut të grupit të Rinës, Fero, por edhe ish-kolegëve të saj, Getinjo dhe Mozzik.
