Të gjithë duan të kenë dhëmbë të bukur dhe të bardhë por shumë nuk e dinë se kjo mund të arrihet me ndihmën e disa ushqimeve. Për shembull, luleshtrydhet mund të lënë një njollë të kuqe në rrobat tuaja por nga ana tjetër, mund të përdoren për të marrë një buzëqeshje të ndritshme për shkak të acidit malik.
Përveç luleshtrydheve, ekspertët rekomandojnë disa ushqime të tjera mjaft efektive.
Mollë, selino dhe karrota
Kur hani më shumë fruta dhe perime si mollë, selino dhe karrota, mund të largoni natyralisht njollat në dhëmbët tuaj.
Portokallet dhe ananasi
Ekspertët thonë se agrumet bëjnë që goja të prodhojë më shumë pështymë. Megjithatë, kini kujdes me limonin sepse niveli i lartë i acidit në të mund të dëmtojë dhëmbët.
Kos dhe qumësht
Ekspertët thonë se produktet e qumështit përmbajnë acid laktik, i cili ndihmon në parandalimin e prishjes së dhëmbëve. Studiuesit besojnë se proteinat në kos mund të lidhen me dhëmbët dhe të parandalojnë acidet e dëmshme që të shkaktojnë karies.
Sode buke
Megjithëse nuk është saktësisht një ushqim, ky përbërës bën mrekulli kur bëhet fjalë për zbardhjen e dhëmbëve. Për një zgjidhje të shpejtë dhe të lehtë, vendosni sodë buke në furçë, e më pas direkt në dhëmbë.
