Disa orë pasi lajmi ka marrë dhenë, Ilda Bejleri ka pranuar se është e përfshirë në aksidentin që ka ndodhur ditën e sotme.
Në një deklaratë për “Shqiptarja.com” moderatorja ka sqaruar ngjarjen duke dhënë versionin e saj.
Ajo thotë se situata nuk ishte e rëndë dhe se ndaloi për të parë nëse zonja kishte dëmtim, por sipas saj automjeti nuk e kishte prekur fare.
Për këtë arsye ajo tha se është larguar, por pa ditur se gruaja me inicialet E.Gj. do të bënte denoncim në polici.
Aktualisht policia është duke parë kamerat e sigurisë, që në zonën ku ndodhi aksidenti janë të shumta.
Zonja që është aksidentuar ndodhet në spitalin e Traumës dhe në deklaratën e saj për “Dritare.net” tha se Ilda e hodhi 2 metra larg dhe nuk ndaloi as për ta parë.
