Palltot, xhupat apo pelushat e dimrit janë elementi kryesor i një garderobe dimërore. Me motin e paparashikueshëm si gjithmonë, pa dyshim që këto veshje janë tepër të nevojshme, të paktën deri në muajin mars, kohë kur fillojnë të ngrihen dhe temperaturat.
Teksa dimri ka mbërthyer vendin dhe tendencat e modës kanë mësyrë në qytet, ne kemi vënë re se jemi në një epokë kur dizajnerët e palltove janë frymëzuar nga stili i xhaketave ushtarake me dopio kopse, apo xhupat kanë një ndërthurje të pellushit me fryrjen e tyre “puffy”, aq të preferuar kur i shohim të veshur nga ikona të modës, si Rihanna.
Më poshtë po ju sjellim disa modele palltosh, xhupash apo pelushash që janë në modë këtë sezon dhe si mund t’i vishni.
Rikthimi i palltove dopio-kopsë
“Fontana” risjell pallton me dopio-kopsë, e lirshme për rrobat e trasha të dimrit dhe me dy xhepat shumë pranë, në rast të temperaturave të ulëta. Atë mund ta kombinoni edhe me fustane ose pantallona dhe taka të larta. (Bli këtu)
Aksesori dhe ngjyra e palltos ka gjithmonë rëndësi
Modeli klasik i palltos së Atos Lombardini-t, vjen këtë herë në ngjyrën më të preferuar të femrave, atë rozë që jua ndriçon këto ditë të zymta dimri. Ai që ka më rëndësi është detaji i aksesorëve që në këtë pallto vjen në ngjyrën e artë dhe me një kollan në formën e një zinxhiri të artë që kombinohet me kopsat në të njëjtën ngjyrë. (Bli këtu)
Pelerina që ju shpëton nga i ftohti
Pelerina dimërore është alternativa më e mirë e këtij dimri. Michael Kors ofron versionin e ngrohtë prej leshi që mund ta kombinoni lehtësisht me fustane ose pantallona xhins. (Bli këtu)
Palltoja klasike
Modeli klasik i palltos pa kopsa dhe me kollan në bel, është një veshje “must” për këtë sezon. Palltoja gri nga Mohito Collection, mund të kombinohet me fustane ose pantallona xhins dhe me taka të larta. (Bli këtu)
Xhupi me dy përdorime
E kush nuk do të dëshironte të kishte një xhup që mund të përdorej në dy mënyra? Fontana jua sjell këtë mundësi me xhupin në ngjyrë ulliri, të prodhuar në Itali, që ka një pelush në pjesën e sipërme të xhupit që mund të hiqet. Ai është lehtësisht i kombinueshëm pasi përmban elementin sportiv dhe atë klasik. (Bli këtu)
Burimi: Iconstyle
