Dy ditë më parë Kida ka postuar një foto të Mozzik në studio, duke na bërë të mendojmë se mund të jenë duke gatuar ndonjë hit tjetër.
Mirëpo, teksa ne po shpresonim për një duet të katërt, dyshja po bashkëpunon për këngën e fundit të këngëtares “Edhe sa”.
Kida na ka treguar nëpërmjet një Instastory se Mozzik ka shkruar tekstin e saj dhe kjo është arsyeja përse i kemi parë kaq shumë bashkë.
Por, mos i humbisni shpresat, pasi mundësitë që ata të bashkëpunojnë janë super të mëdha pasi na kanë vërtetuar se janë dyshja më e fortë e momentit.
Mozzik dhe Kida u bënë njëkohësisht të njohur për publikun shqiptar dhe përveç se dy emra të rinj, por tepër të talentuar, ata ishin edhe pjesë e të njëjtit label, On records.
Kjo i bashkonte nëpër koncerte e intervista, megjithatë dyshja njihej që në fëmijëri.
Në 2015, ata sollën bashkëpunimin e tyre të parë të titulluar “Premtimet” që u përqafua menjëherë nga publiku dhe sot numëron 50 milionë klikime.
Përtej kimisë në këtë klip, rrugët e tyre u ndanë pasi Mozzik u largua nga On Records, ndonëse ruajtën një miqësi shumë të mirë.
Megjithatë, publikut shqiptar iu deshë të priste 5 vite për të parë Kidën dhe Mozzik sërish bashkë, këtë herë në një super projekt.
“PP” jo vetëm erdhi bujshëm, por kryeson listat e preferencat muzikore të shqiptarëve duke u bërë hiti absolut i verës me 29 milionë klikime në vetëm një muaj.
Pas këtij suksesi, artistët na zbuluan se kanë realizuar edhe një bashkëpunim të titulluar “Kërkun” që erdhi si pjesë e albumit Mozzart, duke u renditur si një nga këngët më të klikuara të albumit deri tani.
Këtë verë dyshen e kemi parë kudo bashkë. Fillimisht, menduam se po i lidhte vetëm puna, por duket se i lidh edhe miqësia pasi kalojnë goxha kohë edhe duke u argëtuar.
