Nëse keni edhe ju infeksion urinar, mirë së erdhe në grup. 40 deri në 60 për qind të grave janë të prekura nga infeksioni në jetën e tyre. Infeksionet e fshikëzës shkaktohen zakonisht nga një lloj mikrobi që ndodhet në aktin tretës.
Por ndryshe nga meshkujt, gratë preken më shpesh nga infeksioni urinar, falë anatomisë së traktit të tyre urinar, sidomos afërsisë së uretrës së tyre me anusin dhe distancës së shkurtër nga hapja uretrale në fshikëzën e urinës.
Por a mund të kryesh marrëdhënie seksuale nëse ke infeksion urinar?
Harrojeni seksin tani! Themeluesja e Institutit të Gjinekologjisë në Çikago Nikole Willams, këshillon të qëndroni larg partnerit derisa gjërat të përmirësohen.
“Nëse kryeni marrëdhënie seksuale kur keni infeksion urinar, mund ta përkeqësojë infeksionin duke risjellë bakteret. Madje as nuk do të përjetoni asnjë kënaqësi, pasi do të keni shumë dhëmbje” –shprehet Williams.
A mund ta infektoj partnerin me infeksion?
Jo, infeksioni urinar nuk është ngjitës. Theksojmë se nuk është rasti i sëmundjeve seksualisht të transmetueshme,që mund të trasnmetohen nga kryerja e marrëdhënieve seksuale.
Kështu, kur mund të kryej marrëdhënie seksuale sërish?
Fillimisht, ndiqe infeksionin pranë ginekologut. Ai do të testojë urinën tuaj për të parë nëse keni infeksion urinar. Bazuar nga rezultatet, mund të të japë antibiotik.
“Menjëhere sapo përfundon trajtimin dhe nuk ke më asnjë simptomë, atëherë je e lirë të bësh seks sa të duash. Zakonisht trajtimi zgjat një muaj, ndaj bëj durim” – tha ajo.
Por nëse e keni përfunduar kurën me antibiotikë, e sërish ndjeni dhimbje apo djegje gjatë seksit tregon se infeksioni juaj nuk është pastruar plotësisht. Ndaj bëni mirë të riktheheni sërish tek doktori.
Dhe këshilla e fundit është: “Kurrë mos kryeni seks anal, nëse keni kryer më pare seks vaginal!”
