“Andiamo” ka qenë padyshim një nga hitet e verës së 2017-s dhe vazhdon ende të bëjë namin në lokalet e natës. Kjo këngë ritmike shënoi edhe bashkëpunimin e parë mes dy artistëve të njohur të muzikës, Capital T dhe Ardian Bujupi. Edhe pse kanë kaluar 4 vite nga publikimi, së fundmi kjo këngë është virale në TikTok. Me siguri keni parë këto kohë shumë video në këtë rrjet social të njerëzve duke kërcyer nën ritmet e kësaj kënge, që vazhdon të jetë ende kaq e suksesshme.
E pas gjithë këtij suksesi dy këngëtarët kanë arritur një rekord klikimesh me këtë bashkëpunim. “Andiamo” ka tejkaluar 100 milionë shikime në “Youtube” dhe Capital T e Ardian Bujupi nuk mund të ishin më të lumtur se kaq për këtë arritje. Suksesin e këngës e ka ndarë Ardiani e më pas e ka ripostuar edhe Capital T në profilin e tij.
Kujtojmë se muaj më parë kjo këngë u kthye në një “mollë sherri”mes dy këngëtarëve. E gjitha filloi pas deklaratës së Capital T në “Gjoni Black”, ku u shpreh se Ardiani nuk është mirënjohës për “famën” që ka marrë prej tij nga kënga “Andiamo”.
Më pas ata realizuan një video live në Instagram, ku Ardiani sqaroi se nuk është e vërtetë se është mosmirënjohës duke thënë:
Pyte Xhensilën nuk është ashtu, pyte Elvanën nuk është ashtu, pyti reperët gjermanë nuk është ashtu.
Sipas tij, shkak i kësaj deklarate është fakti se ai i ka ofruar Capital T një bashkëpunim para se ai të lançonte “Skulpturë”, duke i dërguar të gjitha elementet e këngës, por Capital T ka dashur ta përfshijë në albumin e tij këtë këngë. Por, Ardiani nuk e ka pranuar këtë pasi ishte ai që e kishte bërë ftesën, dhe në këtë moment Capital T ka thënë se nuk do bashkëpunojë, meqenëse Ardiani nuk pranoi të ishte në album. Vetë Capital T nuk e komentoi këtë deklaratë, por tha se Ardiani e ka harruar dhe nuk e ka ftuar për ta takuar as për dreka, darka kur ka qenë në Prishtinë, në shenjë mirënjohje.
Por në përfundim, dy këngëtarët arritën në përfundimin se gjërat do jenë njësoj dhe sapo tu jepet mundësia do ulen sërish të flasin përballë, teksa lanë të hapur mundësitë për një bashkëpunim tjetër.
View this post on Instagram
