Nëse ndiqni Alban Ramosajn ose Endrit Mërtirin në rrjetet sociale me siguri e keni vënë re miqësinë e tyre të ngushtë. Prej vitesh çunat i shihnim në projekte të ndryshme së bashku, por jo vetëm kaq.
Ata po ashtu kanë edhe një rreth të përbashkët shokësh dhe shpesh ndanin foto të ndryshme nga koha që kalonin së bashku, madje edhe udhëtonin në vende mjaft interesante.
View this post on Instagram
Po ashtu, nëse i ndiqni dy çunat duhet ta keni vënë re se prej kohësh ata nuk i kemi parë më së bashku. Të gjithë menduam se kjo ka ndodhur prej pandemisë dhe distancës së tyre pasi jetojnë në shtete të ndryshme.
Por, jo. Gjërat nuk qenkan kështu, por shumë më serioze. “Prive” ka raportuar ditën e sotme se dyshja ka prishur raportet mes tyre duke i dhënë fund miqësisë që ruanin prej vitesh. Ende nuk dihen motivet, por raportohet se bëhet fjalë për diçka serioze dhe jo hatërmbetje e momentit.
Për më tepër, ata nuk ndiqen më në Instagram.
Se ç’ka ndodhur mes tyre s’dimë ta themi, por shpresojmë që t’i rregullojnë punët në të ardhmen.
Kujtojmë se Albana Ramosaj është larguar nga Shqipëria prej pak kohësh dhe ka vendosur të nisë një jetë të re në Spanjë. Albani duket se nuk ka vendosur për t’u shkëputur përgjithmonë nga Shqipëria, sepse mund të rikthehet sërish këtu.
Ndërkohë për sa i përket projekteve muzikore ai ka treguar se do të vijë me diçka të re vitin e ardhshëm. Alban Ramosaj i ka kaluar periudha të ndryshme të jetës në vende të ndryshme. Këngëtari ka jetuar për pak kohë në Tiranë, ndërsa fëmijërinë e tij e ka kaluar në Holandë.
View this post on Instagram
Nga ana tjetër, Endriti vijon jetën në Shqipëri me projekte të shumta. Ai ka festuar pak ditë më parë ditëlindjen e tij të 30 duke organizuar edhe një party ku mblodhi miqtë e ngushtë, e sigurisht mungonte Albani.
View this post on Instagram
