Ajo u bë akoma më shumë e famshme kur debutoi në klipin e Kanye West, “Fade”, por tashmë Teyana Taylor, do të vijë me albumin e saj të radhës, që titullohet “Keep That Same Energy”.
Për lançimin e albumit, Taylor, e cila është gjithashtu një kërcimtare dhe koreografe, do të mbajë një festë të madhe sot, ku pritet të jetë edhe Kanye West, i cili është marrë me albumin e saj.
Kim Kardashian madje njoftoi pak orë më parë se Kanye ishte duke punuar mbi albumin e Teyana-s në aeroplan, gjatë kthimit nga Parisi.
Prezantimin e albumit do të mund ta ndiqni live në faqen zyrtare të Taylor në Twitter duke klikuar (këtu).
Albumi i Taylor renditet i pesti në listën e projekt-albumeve që Kanye West premtoi se do të sillte në muajin prill. Ai vjen pas “Pusha-T’s Daytona”, “West’s ye”, “Kids See Ghost” dhe “Nas’ Nasir”.
