Reperi XXXTentacion, i cili u vra në një atentat me armë të hënën në Florida, do të bëhej baba.
Nëna e reperit ka zbuluar se djali i saj ishte duke pritur një fëmijë me një vajzë që sipas burimeve të TMZ, nuk ishte ish-e dashura.
Cleopatra Bernard habiti fansat kur publikoi një foto të videos së fetusit me ultratinguj në Instagram të enjten.
“Ai na la një dhuratë të fundit”, shkruan ajo në videon e publikuar.
Është e paqartë se kush është nëna e fëmijës, por burimet thonë për “TMZ” se nuk është ish-e dashura e tij Geneva, për të cilën reperi u akuzua se e kishte dhunuar.
Lajmi vjen menjëherë pasi nëna e reperit konfirmoi se është bërë një arrestim pas vrasjes së djalit të saj. Policia ka arrestuar të dyshuarin e parë për vrasjen e reperit amerikan. I riu 22-vjeçar, Dedrick Devonshay Williams akuzohet për vrasje, vjedhje si dhe se ka drejtuar makinën pa patentë.
Ylli i muzikës, emri i të cilit ishte Jahseh Dwayne Onfroy, u vra të hënën pasi dy meshkuj të maskuar e qëlluan atë ndërsa ishte ulur në makinën e tij në Florida.
