“Bashkë jemi mirë edhe në një kasolle”, “Puthni me sy mbyllur”, janë këto disa nga mesazhet e dashurisë që Flori Mumajesi jepte për publikun e tij, sa herë që përjetonte një lidhje dashurie.
Në përgjithësi të dashurat e tij kanë qenë të famshme, në të shumtën e rasteve edhe ato këngëtare dhe bashkëpuntore me Florin. Ndoshta ka qenë kjo arsyeja që Flori i bënte publike emrat e tyre, madje shpesh herë i shfaqte ndjenjat edhe në publik, si atëherë kur Ardit Gjebrea i kërkoi një puthje me të dashurën e tij Soni Malaj, dhe ai i thirri “zemër” para se ta puthte para spektatorëve.
Por historia e tyre përfundoi me një konflikt gjyqësor në lidhje me autorësinë e këngëve dhe bashkëpunimeve të tyre.
Një emër tjetër i njohur që na vjen ndërmend, kur flasim për të dashurat e tij, është Orinda Huta, bukuroshja bjonde, për të cilën Flori u përfol shumë për një lidhje dhe bashkëpunoi me të në shumë projekte muzikore.
“Parajsa” ishte bashkëpunimi më i suksesshëm i Florit, me Orinda Hutën, Elvana Gjatën dhe Julka Gramon. Por pas përfundimit të lidhjes mes tyre, askush nuk dha sqarime. Megjithatë këngëtarët kanë mundësinë që të shprehin me vargje ato që ndiejnë dhe në edicionin e 11-të të Këngës Magjike u duk mjaft mirë se marrëdhëniet mes tyre kishin ndryshuar.
Mumajesi realizoi një këngë të rrymës trans, të titulluar Playback. Këtë këngë, edhe pse nuk përmendet emri i këngëtares, mediat shkruanin se ai ia dedikon tërësisht Orindës. Me këtë këngë ai mori pjesë në të njëjtin festival, që Orinda u prezantua me këngën “Oqean”.
Në tekstin e këngës thuhet se tashmë, këngëtarja del me shoqet në klube dhe një ditë kujtohet t’i kërkojë Florit t’i bëjë një hit. Më pas ai e këshillon që vetëm “live” të mos këndojë. Ndërsa nis refrenin, ai i drejtohet vajzës me fjalët: E ke ti një talent dhe pse unë nuk po ta them/ Mos bëj si e vështirë. Se më kupton ti shumë mirë”. Kjo është e vetmja herë që u përfol se Flori ia ka kushtuar ish-it të tij.
Sot, Mumajesi po shijon suksesin e shumë bashkëpunimeve që ka realizuar më këngëtarë të njohur nga Shqipëria dhe Kosova, nën produksionin e studios “Threedots”. Daljet e tij në televizion apo intervista janë të pakta. E fundit ishte ajo me Elvana Gjatën, në emisionin “Top Show Magazine”, ku ai foli edhe për thashethemet për një lidhje me të. Flori pranoi se Elvana është e rëndësishme për të.
“Elvanën e kam përzemër”, u shpreh ai. Kjo ka mjaftuar që aludimet nëse Elvana Gjata dhe Flori kanë më shumë sesa një bashkëpunim mes tyre, të qarkullojnë kudo.
Përpos thashethemeve, askush nuk di gjë sot për lidhjen e tij dhe Flori ka preferuar që ta mbajë larg syve të publikut. Ajo që të gjithë e dinë kur bëhet fjalë për Flori Mumajesin është se, kur ai nxjerr një këngë të gjithë do ta dëgjojnë dhe pëlqejnë. Flori e bëri debutimin e tij të parë si pjesë e një bande, (The Dreams) dhe sot ai e ka arritur famën e tij në industrinë e muzikës shqiptare si këngëtar solo dhe si një kompozitor.
Burimi: Iconstyle
