Digjet bredhi në Kosovë: Mos festo! Viti i Ri nuk është i myslimanëve

Një incident i pakëndhsëm ka ndodhur në Kosovë në pragun e Vitit të Ri. Në orët e para të së enjtes është djegur bredhi i Vitit të Ri, që ndodhej në oborrin e komunës së Hanit të Elezit. Ngjarjen e ka konfirmuar zëdhënësi i Policisë për rajonin e Ferizajt, Kanun Veseli.

“Me daten 28.12.2023 rreth ores 02:23 kemi pranuar një informatë se Bredhi i Vitit të Ri, i vendosur në oborrin e komunës së Hanit të Elezit ishte kapluar nga zjarri. Patrulla e policisë ka dalë menjëherë në vendin e ngjarjes, ndërkohë që edhe një ekipë e zjarrëfikësve ka lokalizuar zjarrin. Lidhur me rastin ësht? njoftuar edhe prokurori kujdestarë dhe është inicuar një rast “Shkaktim i rrezikut të përgjithshem”. Ndërsa në rast janë kyçur edhe njësia e hetimeve, të cilët po e hetojnë rastin”, tha Veseli për mediat në Kosovë.

Po ashtu, Veseli bëri të ditur se sot janë shfaqur disa mbishkrime: “Viti i Ri nuk është e jona, mos festo festat e jomyslimanëve”.

Lexo edhe :

Mateo vë në siklet Mirin: Do e lije bashkëshorten për Selin?

16:33 12/03/26

Sekreti i Epstein? Dokumentet tregojnë se ai kishte një fëmijë

15:55 12/03/26

Ai tha se policia është duke punuar për identifikimin e të dyshuarve.

“Me datën 28.12.2023 rreth orës 09:30 policia e stacionit në Han të Elezit , policët patrullues kanë vëretjur se në disa rrugë ishin vendosur disa afishe me mbishkim “Viti i ri nuk është e jona, mos festo festat e jo myslimanëve”. Policia e stacionit i ka marrë veprimet e nevojshme dhe është duke punuar intenzivisht në identifikimin e personit/personave të dyshuar. Në koordinim me Prokurorinë Themelore në Ferizaj është inicuar rast për hetim “Nxitje e përqarjea dhe mosdurimit”, tha Veseli.

Etiketa: kosove