Kompozitorja e njohur Diana Ziu ka folur për letrën publike të pak ditëve më parë shkruar për Vera Grabockën, pasi kënga e saj nuk u pranua në Festivalin e Këngës në RTSH.
Në një intervistë për “News 24” Ziu tha se Vera Grabocka ka thyer shumë shpirtra dhe nuk ka zgjedhur njerëzit e duhur për të konkurruar në një Festival si ky i Këngës.
Diana foli edhe për jurinë që përzgjedh këngët dhe veçanërisht për Zhani Cikon, për të cilin thotë se është vetëm një “kukull”.
“Kush është Vera Grabocka? Pse them “shoqja”. Se ajo dikur më ka thënë “ik moj vajzë, ose vërë emrin, ose këngën nuk e paraqes në RTSH”. Vera Grabocka e hoqi, sepse tha “jo, në asnjë mënyrë, partia”. Filloi të fliste në emër të partisë. Më ndaloi një këngë shumë të bukur, pse nuk ishte fustani shumë i bukur. Një ditë në një korridor duke luajtur në piano, po improvizoja, në vitet ’78. Më vjen pranë një shoqe imja dhe më thotë “nuk ke frikë, po buçasin korridoret, duke i rënë”. I thashë: Po pata frikë do kem nga ti. Në atë kohë më vjen një grua dhe më tha “Shoqja Diana çfarë po luani kështu, po tingëllon dhe korridori”. I thashë: Po luaj nga veriu.
Në atë moment m’u kujtua Vera Grabocka, se me mua ashtu është sjellë, madje edhe me të tjerë, ka thyer shumë shpirtra. Ajo duhet të zgjidhte njerëzit e duhur, por të bënte punët e veta, mos të fshihej pas gishtit. Ajo rri pas Alketa Vejsiut, se kjo është e talentuar, as për Elvana Gjatën.
Kush do më testojë mua? Soni Malaj? Është sikur një nxënës i klasës së parë të liceut të vlerësojë një emër të njohur. Është të vësh duart në kokë, është tmerr. Zhani Cikon e ka vënë si kukull Vera. Nuk e kanë dëgjuar këngën. Zhani nuk di të bëjë një këngë, ai nuk ka folur me emra kompozitorësh, por me emra këngëtarësh. Nuk është televizioni i këngëtarëve”, tha Diana pas letrës publike që i shkroi Vera Grabockës.
Pak ditë më parë Diana Ziu u shpreh se ka dëgjuar që fituese e këtij viti në festival do të jetë Elvana Gjata! (lexo këtu)
/Tirana Post
