Nëse edhe ju keni kaluar sot nga bulevardi “Dëshmorët e Kombit” në Tiranë, me siguri keni vënë re se është mbushur plot me foto.
Këto foto në fakt janë vendosur në kuadër të festimeve të 75-vjetorit të çlirimit të Shqipërisë nga pushtuesit nazifashistë.
Fotot e dëshmorëve të atdheut kanë hasur mjaft kritika nga drejtues të Shoqatës Antikomuniste të të Përndjekurve Politikë, që shprehen se ato nuk janë gjë tjetër veçse një provokim i hapur.
Edhe kryetarja e bashkisë Shkodër, Voltana Ademi, ka reaguar për fotot e dëshmorëve të vendosura në bulevard. Sipas saj e kaluara rrezikon të përsëritet kur lartësohen persekutorët.
“Shumica e atyre njerëzve që kanë persekutuar dhe kanë bërë edhe krime ndaj njerëzit në sistemin komunist nuk mund të qëndrojnë në një vend edhe persekutorët dhe të persekutuarit”.
“Ora News” shkruan se ceremonia e 75-vjetorit të çlirimit është një organizim i zv/kryeministrit në bashkëpunim me disa ministri dhe bashkinë e Tiranës.
