Ish-banorja e Big Brother VIP Kosova 3, Diana, ka ndarë përvojën e saj në këtë format gjatë një interviste në spektaklin e sotëm. Ajo e cilësoi këtë eksperiencë si një përvojë pozitive, pavarësisht vendimit të papritur për t’u larguar nga shtëpia, duke e lënë lojën përgjysmë.
“Edhe pse dalja ishte një peng për mua, ndihem e lumtur që kam marrë shumë dashuri dhe mbështetje nga publiku jashtë,” tha ajo.
Megjithatë, Diana pranoi se lidhja me Arionin ndikoi në strategjinë e saj në lojë.
“Kam ndjerë se loja ime u penalizua nga lidhja me Arionin. Do të kisha dashur të fokusohesha më shumë në lojën individuale,” shtoi ajo.
E pyetur nëse do të ndryshonte ndonjë gjë, Diana u shpreh se një rikthim i mundshëm në garë do ta gjente më të përqendruar te vetja.
“Po të kisha një mundësi tjetër, do të bëja një lojë më individuale, pa krijuar lidhje,” deklaroi ajo.
