Miriam Cani dhe Alban Skënderaj kanë publikuar sot këngën e tyre të re “Dhurata”. Kjo është një këngë dedikim për vajzën e tyre Amelinë, dhuratën më të bukur që kanë marrë në jetë.
“Gëzuar datëlindjen zemra e mamit. Sot qielli është i pastër për të dhuruar të gjitha rrezet e diellit që ti meriton në këtë ditë të madhe. Asgjë nuk dua më shumë në jetë se lumturinë tënde. ‘Ti je dhurata më e bukur në jetë, je të gjitha përgjigjet, je suksesi i vërtetë.’ Gëzuar shpirt me këtë këngë ty dhe cdo prindi, fëmije e çdo shqiptari kudo në botë ❤”: shkruan Miriam Cani.
Nuk mund të mungonte as urimi i Albanit për të bukurën Ameli.
“Gëzuar datëlindjen e shtrenjta ime në këtë ditë të madhe dhe të bekuar. Ti erdhe atëherë kur kishim më shumë se kurrë nevojë për ty si Dhurata më e bukur në jetë. Kjo këngë që besoj se janë fjalët e çdo prindi është Dhurata jonë për ty. Ti sot mbush 2 vjeç dhe në urojmë me zemër që të bëhesh 105. Na duket sikur të gjithë shqiptarët sot fëstojnë pak edhe për ty. Gëzuar ditën e Pavarësisë të gjithëve dhe qofshi të lumtur pranë familjeve tuaja ❤”: shkruan Albani, i cili është edhe në rolin e kompozitorit dhe autorit të tekstit në këtë këngë.
