Kur Brad Pitt mbushi 48 vjeç, Angelina Jolie i dhuroi atij një helikopter 1.6 milionë dollarësh dhe mësime fluturimi. Këtë vit Channing Tatum mori si dhuratë një kalë shpëtimi nga bashkëshortja Jenna Dewan Tatum.
Duke treguar sërish se ajo është një gjeni, Amal Clooney bëri një dhuratë të veçantë duke e suprizuar bashkëshortin e saj George këtë 55-vjetor me një makinë kositëse bari.
“Ne kemi një lëndinë të bukur para shtëpisë sonë në Angli dhe unë krasisja barin kur isha fëmijë. Kështu që ajo më bleu mua një makinë kositëse bari gjigand që ndodhet para shtëpisë tani dhe jam shumë i emocionuar për ta vënë atë në punë, sapo të iki në shpi”, tha Clooney.
Ai shtoi se e festoi këtë ditëlindje “duke qarë dhe duke pirë”. Çifti do të festojnë përvjetorin e tyre të dytë të martesës më 27 shtator. “Po vjen përvjetori im i dytë dhe ata thoshin se nuk do të zgjaste”, tha ai me shaka.
Burimi: Harper’s Bazaar
