Afërdita Dreshaj dhe partneri i saj çek, Jakub Kindl, shumë shpejt do të bëhen prindër për herë të parë. Çifti i njohur janë në pritje të një djali dhe Afërdita është drejt fundit të pritjes së ëmbël. Këngëtarja është rreth muajit të tetë të shtatzënisë dhe tashmë ka nisur nga përgatitjet që vogëlushi të gjejë gjithçka gati kur të lindë.
Ajo zbuloi para disa javësh se ka bërë gati edhe garderobën e të birit dhe madje tregoi se kishte blerë veshje të shtrenjta për të. Afërdita ka publikuar një foto nga dollapi i djalit dhe në të binin në sy veshje sportive në ngjyra të ndryshme. Nga detajet në foto, shihet se Afërdita i ka blerë veshjet e vogëlushit në disa nga markat më të njohura ndërkombëtare si “Dior” apo “Fendi”.
Ndërkohë ajo ka marrë dhurata të shumta nga miq e të afërm të saj për të voglin. Afërdita ka treguar se ka marrë një nga dhuratat më të mira nga mikja e saj e ngushtë, Xhesika Berberi. Kjo e fundit ka blerë për djalin e Afërditës një karrocë, një dhuratë mjaft e shtrenjtë, që s’para ndodh të blihet nga shoqëria e prindërve. Megjithatë Afërdita dhe Xhesika kanë treguar se lidhja e tyre është aq e fortë sa i ka kaluar kufijtë e shoqërisë dhe ato e konsiderojnë veten si motra të njëra-tjetrës.
Ndërkohë kjo nuk ka qenë karroca e vetme që Afërdita ka marrë dhuratën për djalin e saj dhe ndaj do e ketë mundësinë që t’i ndërroj ato shpeshherë. Me siguri vogëlushi i Afërditës do jetë fëmija më trendy në Amerikë e kudo.
