Profesori i mirënjohur, Stephen Hawking mendoi të bënte një akt të fundit bamirësie para se të ndahej nga jeta.
Fizikani i njohur botëror ndërroi jetë në moshën 76-vjeçare, në shtëpinë e tij në Kembrixh, më 13 mars. Por para se të shuhej nga kjo jetë, ai kishte menduar të bënte diçka të mirë për t’u mbajtur mend këto Pashkë.
Kjo është zbuluar nga një organizatë bamirëse që ndihmon të pastrehët, sipas së cilës, familja e Hawking kishte financuar një vakt në Kishën Wesley Methodist.
Ndërsa funerali i shkencëtarit me famë botërore u zhvillua në anën tjetër të Kembrixhit, persona në nevojë iu shtrua një drekë për Pashkët financuar nga fizikani.
Një shënim prekës i vendosur në tavolina u tregonte 50 të ftuarve se dreka ishte një “dhuratë nga Stephen”.
Organizatorët e drekës së Pashkëve, thanë se fizikani u fali gëzim të pranishmëve, para se të shijonin vaktin e tyre.
Shkencëtari britanik ishte i famshëm për studimin e vrimave të zeza dhe relativitetin. Ai shkroi disa libra shkencorë të njohur, përfshirë një histori të shkurtër të kohës.
Në moshën 22-vjeçare, Prof. Hawking u diagnostikua me një formë të rrallë të sëmundjes së neuroneve dhe iu dha vetëm dy vjet jetë.
Sëmundja e la atë në një karrige invalidi dhe ai nuk mund të fliste përveçse përmes një sintetizuesi zëri.
Burimi: Daily Mail
