Gjykata e Fierit ka dhënë masën e sigurisë “Detyrim paraqitje” për policin Anxhelo Bardhi, i cili u përfshi disa ditë më parë në dhunimin e gazetarit Xhoel Osmanaj.
Ndërsa shoku i tij Daniel Rista u la në burg nga trupa gjykuese.
Mbi dy të rinjtë rëndojnë veprat penale; “Kanosje”, “Prishje e qetësisë publike” dhe “Shkatërrim prone” kryer në bashkëpunim.
Pak ditë më parë Anxhelo Bardhi dhe shoku i tij i prenë rrugën mjetit ku ndodhej gazetari, së bashku me një vajzë, ngjarje kjo e regjistruar në qytetin e Fierit.
Ata fillimisht goditën me mjete të forta xhamin e makinës ku ndodhej Osmanaj dhe më pas e dhunuan këtë të fundit.
Fillimisht u raportua se sherri kishte lindur për shkak të vajzës që shoqëronte Osmanajn, por më vonë policia e hodhi poshtë këtë version, duke sqaruar se ngjarja ka ndodhur për motive të dobëta.
/GazetaReforma.com
