Ditën e sotme u bë publik rasti i dhunimit të një 12-vjeçari, i cili vuante nga autizmi.
Prindërit e kishin dërguar për kurim në qendrën e fëmijëve në Berat, “Jam ti”, mirëpo konstatuan se ndaj fëmijës së tyre po ushtrohej dhunë. Babai i 12-vjeçarit në një prononcim për “Faxweb” ka bërë thirrje që drejtoresha e qendrës të ndiqet penalisht për dhunën e ushtruar ndaj djalit të tij.
Nga ana tjetër edhe drejtoresha e këtij institucioni, Alda Shulla është prononcuar për “Report tv” duke u shprehur se nuk ka pasur asnjë rast dhune.
“Në qendër nuk ka pasur asnjëherë dhune. Me vjen keq që situata ka kaluar kështu. Ai e di që djali është agresiv. Çështja u ka kaluar organeve kompetente. Të zbardhet çështja dhe zotëria të marrë përgjigjen”.- ka thënë ajo.
