Denoncimi i djeshëm i publikuar në Iconstyle, ku shfaqej dhuna ndaj të miturës në Sarandë ka sjellë edhe reagimin e Policisë së Shtetit. Forcat blu bëjnë të ditur se janë referuar në Prokurori materialet për veprën penale “Dhuna në familje”, në ngarkim të nënës, 29 vjeçare.
Njoftimi i Policisë:
Nisur nga pamjet filmike të publikuara ditën e djeshme, në rrjete sociale, për rastin e dhunimit të një vajze nga nëna e saj, specialistët për Hetimin e Krimeve në Komisariatin e Policisë Himarë referuan materialet në Prokurori, për veprën penale “Dhuna në familje”, në ngarkim të shtetases B. Ç., 29 vjeçe, banuese në Borsh, pasi dyshohet se ka ushtruar dhunë ndaj vajzës së saj të mitur.
“Iconstyle” publikoi një ditë më parë videon ku mamaja 29-vjeçare dhunonte të bijën. Arsyeja e dhunës ishte se e vogla nuk iu përgjigj si duhet njerëzve që i thanë “mamaja jote ka të dashur”. Familjarët e 29-vjeçares që kanë filmuar videon dhe e kanë denoncuar, kanë treguar se kjo nuk është hera e parë që ajo dhunon barbarisht të bijën.
View this post on Instagram
