Një ngjarje e rëndë ka tronditur qytetin e Torinos në Itali, ku një 20 – vjeçare shqiptare u dhunua deri sa mbeti e pajetë.
Sipas mediave italiane ngjarja ndodhi mbrëmë pas orës 20:00 dhe Anxhela Meçani ndërroi jetë në spitalin Santa Croce në Moncalieri.
Dyshohet se vajza e re punonte si prostitutë dhe pasi kishte hipur në një makinë ajo ishte dhunuar dhe më pas ishte hedhur nga dritarja e makinës, që ishte në ecje.
Një shofer i cili ishte dëshmitar i ngjarjes tha: “ Dikush e hodhi nga makina dhe më pas u arratis”.
Nga plagët e rënda Anxhela nuk arriti të mbijetonte dhe ndërroi jetë e vetme në shtratin e spitalit pasi askush nuk ishte aty të kujdesej për të.
Ndërkohë policia po heton për zbardhjen e ngjarjes dhe identifikimin e autorit të krimit.
