Pas denoncimit të skandalit në Durrës, ku një edukatore e një kopshti kishte dhunuar një foshnje 18-muajshe, pasi policia ka proceduar penalisht edhe pronarin e kopshtit, ky i fundit kaq folur për mediat.
Pronari i kopshtit, 61 vjeçari Gëzim Dervishi, ka treguar detaje nga ngjarja dhe ka mohuar kategorikisht se vajza 18-muajshe të ishte dhunuar në kopshtin që ai drejtonte.
Dervishi pohoi se pas ngjarjes ka shkarkuar të gjithë personelin e çerdhes dhe ka marrë një staf të ri. Teksa nënvizoi faktin se dhunë për këtë rast nuk ka pasur, Dervishi tha për mediat se nëse gjykata vërteton se e ka dhunuar ai fëmijën, atëheerë të dënohet me 20 vite burg.
Mes të tjerash pronari i kopshtit tha se edukatorja e cila pretendohet që ka dhunuar fëmijën nuk ka qenë ndonjëherë e dhunshme, ndërsa thekson se e ka pushuar atë nga puna.
Policia më ka thirrur në këtë ngjarje. Ju ftova juve se jam qytetar i thjesht. S’kam frikë fare. Mund t’ju them të gjithëve ikni. Edukatoren e kam përjashtuar nga puna. Ajo nuk e ka pranuar dhe më tha; me ke hyrë në hak kot.
Nëna e fëmijës ka denoncuar në polici. Unë fëmijën e saj e kam tërhequr prej krahu dhe i kam thënë; merre se qan. Ajo ka shkuar në polici, le ta gjykojë gjykata. Nëse unë e kam dhunuar, le të më dënojnë 20 vite burg që t’i bëjë qefin asaj. Unë fëmijës si kam parë shenja dhune. S’kam parë as fotografi. E kam besuar që u dhunuar nga fjalët e nënës.
Ushtroj ketë aktivitet prej 13-14 vitesh. S’kam pasur kurrë probleme. Fëmijët kanë firmosur e deklaruar se duan të vijnë në kopsht. Nuk është e vërtetë që kam dashur ta korruptoj. Më tha nëna që; do shkoj që ta çoj vajzën të hënën tek privati që t’i bëj grafi.
Dhe unë i thashë meqë është privat, na 50 mijë lekë e bëja nga unë vajzës, për t’i hequr shpenzimet mjekësore. Por nuk i mori.”, ka thënë ai.
/Gazeta Reforma
