Dhoma Amerikane e Tregtisë ka bërë një publikim ditën e sotme lidhur me Indeksin e Biznesit për vitin 2021-2022. Lidhur me një vëzhgim që është bërë së fundmi, mësohet se indeksi vjetor ka treguar se ka pasur një klimë deri diku pozitive të biznesit këtë vit se sa një vit më parë. Konkretisht shifrat tregojnë (+3.77).
Kujtojmë se bizneset patën luhatje dhe vështirësi në vitet 2020-2021 sepse pandemia goditi fort vendin tonë. Mirëpo të anketuarit e Dhomës Amerikane të Tregtisë kanë zbuluar se sfida ka qenë akoma edhe më e madhe sa i takon biznesit dhe problematikave që ka patur.
Gjithashtu, ata kanë treguar se kanë shqetësime në disa pika kryesore si: mungesa e punonjësve të kualifikuar, monopolet dhe konkurrenca e pandershme, ekonomia informale, burokracia qeveritare dhe niveli i korrupsionit.
Po emigracioni? A ka ndikuar?
Sigurisht që ka ndikuar!
Edhe emigrimi i shumtë ka sjellë problematika dhe disavantazhe në biznese. Fuqia punëtore ka rënë pasi shumë të rinj por jo vetëm kanë emigrojnë dhe po emigrojnë çdo ditë e më shumë.
Ky tregues ka shkuar me -9 pikë, në krahasim me një vit më parë.
Jo vetëm kaq por indeksi ka shprehur dhe emergjencën pikërisht për konkurrencën e pandershme, ekonominë informale, monopolet si dhe për korrupsionin.
Me pak fjalë, Dhoma Tregtare e Tregtisë ka nxjerrë edhe një herë zbuluar Autoritetin e Konkurrencës që në fakt nuk funksionon ashtu siç duhet si dhe tregon atë që dimë të gjithë: që AK ndikon në çdo gjë që ne konsumojmë dhe blejmë.
