Dua Lipa u vlerësua ditën e sotme me “Çelësin e Prishtinës” nga Kryetari Shpend Ahmeti, pak orë përpara se të ngjitej në skenën e “Sunny Hill Festival”.
Dua shoqërohej në takim nga i ati dhe i dashuri i saj, Isaac Carew, i cili deri më tani ka marrë të gjitha pikët si dhëndri perfekt.
Në një postim në rrjetet sociale, ai shprehet krenar për arritjet e partneres së tij dhe nuk lë pa formuar edhe simbolin e shqiponjës me kryetarin Shpend Ahmeti.
“Zonjushës time iu dha çelësi i qytetit sot. Shumë krenare për të” – shkruan Isaac.
Ndërkohë Dua ka mbërritur prej dy ditësh në Kosovë bashkë me familjen dhe të dashurin Isaac Carew. Ata kanë kaluar një mbrëmje fantastike dje nën shoqërinë e njëri-tjetrit dhe muzikës shqip.
