Dy ditë më parë, “Iconstyle.al” shuajti të gjitha dyshimet e mëdha të fansave të çiftit të shumëpërfolur, Arbenita dhe Fero.
Nëpërmjet një fotoje me barkun e rrumbullakosur, u konfirmua shtatzënia e modeles, e cila do të sjellë në jetë një vajzë.
Ky lajm erdhi fill pas lajmit të bukur që çifti dha për kurorëzimin e tyre me martesë.
Fero i dha fund beqarisë dhe do të bëhet baba për herë të parë, ndërsa këto lajme të gëzueshme janë pritur tepër mirë edhe nga vendasit e reperit.
Fero është pritur me një festë shumë të ngrohtë në Zhegër të Gjilanit, ndërsa pamjet kanë bërë xhiron e rrjetit.
Të pranishmit kanë festuar me tupana, ndërsa reperi shihet i buzëqeshur dhe i lumtur nga pritja e vendit të tij.
Më herët, Arbenita iu përgjigj të gjitha kritikave për martesën e shpejtë me Feron me një postim në InstaStory.
“Dikush nuk u shkollua fare, por u bë milioner në moshën 21 vjeçare.
Dikush u martua 20 vjeç, por u divorcua 5 vite më vonë.
Dikush u martua në moshë 33-vjeçare dhe gjeti dashurinë e përjetshme.
Njerëz të ndryshëm, probleme të ndryshme e histori të ndryshme.
S’je vonë, s’je herët, je në kohë!- ishin fjalët e postimit me të cilat la të kuptohet se mosha për ta s’do të thotë asgjë.”
