Një blogere britanike, Alice Ophelia Taylor, i kushtoi në blogun e saj “The Balkanista” një postim interesant Shqipërisë, ku ka jetuar për një kohë të gjatë.
Në postimet e saj, ajo shpesh promovon turizmin në Shqipëri, vlerat dhe kulturën e popullit shqiptar. Së fundmi Alice ka ironizuar disa vese tipike të shqiptarëve.
Sipas blogeres, nëse turistët e huaj do të vizitonin Shqipërinë ata do të vinin re këto gjëra.
Veset shqiptare:
1.Së pari, do të shikoni dekorimet e Krishtlindjeve dhe do të dëgjoni këngët e vjetra të Krishtlindjeve të paktën deri në mars.
2.Kush ka një makinë “Smart” ka nevojë për dy vende parkimi.
3.Uniforma “jozyrtare” në dimër është xhup me kapele leshi. Si për djemtë ashtu edhe për vajzat.
4.Është e pranueshme të pini 15 kafe para mesditës.
5.Rakia pihet para mesditës?
6.Konsiderohet e gabuar të vëzhgosh dikë që nuk e njeh, më shumë se 1 sekondë.
7.Është mirë të jesh patriot, ndërkohë që mezi pret të emigrosh në Kanada, Britaninë e Madhe, Amerikë apo Gjermani.
8.Autobusët lëvizin kur ia ndjen atyre.
9.Është e zakonshme të shohësh burra që ecin krah për krah.
10.Kur jeni të ulur në autobus, dikush pranë jush mban 4 ose 5 pula të gjalla.
11.Është normale që nëpër dyqane, kancelari, madje edhe tek kasapi të gjesh të tregtohen çantat “Louis Vuitton”.
12.Biznesi dhe jeta sociale, si porositja e picave, rezervimi i një taksie, ankesat për shërbimin e internetit, apo blerja e një laptopi të ri, bëhet nëpërmjet “WhatsApp”-it.
13.Ngjyrat e semaforit ndryshojnë sipas interpretimit të secilit prej tyre
14.Shenjat rrugore janë opsionale?
15.Është normale, që personat të cilën nuk i njeh, të ofrojnë kafe ose raki dhe do të ofendohen nëse i refuzon.
16.Do të përfundoni duke bërë miq me njerëz nga vende që nuk i njihnit më parë.
17.Karkalecat krudo janë pjesë e dietës ditore.
18.Është normale që të veshin teminat, zinxhirë floriri, pelush rozë gjatë ditës, madje edhe në zyrë.
19.Pirja e duhanit është një zakon i pranueshëm.
20..Fraza “avash-avash” do të bëhet shprehi.
21..Do të shihni më shumë makina luksoze në një ditë në Tiranë, sesa në një vit në Londër.
22..Do të detyroheni të jepni mësim angishteje nëse jeni anglez. Pavarësisht nëse doni apo jo, është më mirë ta pranoni këtë.
23.Do të mësoheni të mbani ushqime në çantë për qentë endacakë, në mënyrë që t’i ushqeni kudo që t’i hasni?
24.Nëpër lokale, bare, klube vendoset muzikë që nga Pitbull, Jon Bon Jovi, Noizy, Leonard Cohen e deri tek muzika popullore shqiptare. Pa organizim.
25.Do të përndiqeni nga fëmijët që lypin, që mbajnë fëmijë më të vegjël në krahë e që do t’ju ndjekin duke ju kapur për krahu, vetëm pse i the jo.
26.Nuk duhet të bëni plane konkrete nëse do ju duhet të përdorni transportin publik, sepse nuk ka orar as të nisjes, as të mbërritjes, kështu që planifikimi 12 orë përpara për kudo që do t’ju duhet të udhëtoni (jashtë kryeqytetit) nuk është ide e keqe.
27.Dëgjoni një zhurmë në mbrëmje dhe nuk jeni i sigurtë nëse ishte e shtënë arme, thjesht një fishekzjarr, apo vinte nga ndonjë makinë.
28.Është “normale” të keni 1 apo 5 armë.
