Thonë se flokët janë gjysma e bukurisë dhe si të tillë meritojnë goxha vëmendje dhe përkujdesje. Ndonjëherë për tu dhënë kujdesin e meritur nuk kemi pse u drejtohemi qendrave estetike sepse zgjidhja mund të jetë fare pranë.
Kemi parë shpeshherë se produktet e jetës së përditshme kanë rezultuar mrekullibërëse për shumë gjëra dhe ndër të tjera edhe për flokë të butë dhe të shëndetshëm.
1. Avokado dhe vaj ulliri, e mbushur me vitamina dhe yndyrna për të ushqyer dhe zbutur flokët e thatë!
Bëni një pure avokado, pastaj shtoni 2 deri në 3 lugë vaj ulliri dhe përziejeni mirë. Si fillim lagini flokët tuaj dhe më pas aplikoni maskën me avokado duke e përhapur në mënyrë të barabartë dhe duke i kushtuar vëmendje të veçantë rrënjëve të flokut. Lëreni maskën për 45 deri 60 minuta dhe më pas shplajeni. Përdoreni çdo javë për rezultate më të mira.
2. E bardha e vezës, limon dhe vaj ulliri
Proteinat në të bardhën e vezes do të bëjnë mrekulli në riparimin e flokëve të dëmtuar. Përziejeni mirë të bardhën e vezës me 1 lugë lëng limoni dhe 2 deri 3 lugë vaj ulliri. Aplikoni maskën dhe mbajini flokët në një peshqir. Lëreni maskën për rreth 20 minuta, pastaj lajeni kokën normalisht.
