Kendall Jenner dëshmoi se ajo dhe ish i dashuri i saj Devin Booker ruajnë ende një raport të mirë, teksa u ribashkuan në Super Bowl 2024 të dielën, më shumë se një vit pas ndarjes.
Edhe pse ish-çifti nuk u ulën pranë njëri-tjetrit dhe dukej se mbanin distancë në këtë event shumë publik, një fans me sy shqiponjë e vuri re një detaj në sfondin e një fotoje të postuar nga vajza 16-vjeçare e Michael Rubin.
Fotoja e cila tregon vajzën e Rubin, Kylie, duke mbështetur kokën mbi shpatullën e shokut të saj Will Makris, tregon basketbollistin duke ngrënë ushqim. Fakti që ai ishte afër suitës së KarJenner, tërhoqi vëmendjen e shumë njerëzve, pasi ata mesa duket ruajnë akoma një marrëdhënie respekti për njëri-tjetrin.
Pas ndarjes së tyre, një burim i tha People se ata i ndanë rrugët miqësisht dhe kishin ‘dashuri dhe respekt për njëri-tjetrin, por kanë vendosur të fokusohen në karrierat e tyre.
