Blake Lively u shfaq me stilistin Christian Louboutin në vend të bashkëshortit të saj Ryan Reynolds në Met Gala, por askush nuk e kishte mendjen tek ky fakt sepse paraqitja e saj ishte mbresëlënëse.
Aktorja 30-vjeçare kishte zgjedhur një fustan të kuq të “Versace” me bust të qëndisur, shirita me shkëlqim dhe copë të gjatë nga pas, për punimin e të cilit u deshën 600 orë.
Veshja e saj ishte një veshje e periudhës mesjetare dhe i përmbahej temës së “Trupave Qiellorë:Moda dhe Imagjinata Katolike”.
Por një detaj që askush nuk e vuri re në çantën e saj të dorës ishin inicialet e familjes së saj ku fillonte me Lively, Ryan dhe dy fëmijët, James dhe Ines.
Inicilalet shkruheshin në katër krahët e kryqit të qëndisur me dorë dhe mbante një diamant në mes, gjithashtu poshtë shkruhej mbiemri i familjes “Reynolds”.
Së bashku me aksesorin kuptimplotë, ylli i “All I See Is You” mbante një kokë në kurorë të mrekullueshme me ngjyrë të artë.
Ndërkohë,Ryan Reynolds nuk arriti të merrte pjesë në eventin e zhvilluar sepse ishte i zënë me promovimin e filmit “Deadpool 2”.
